A BANDA DA LOBA BAILANDO AS RÚAS

Bailando as rúas é un tema baseado nunha creación poética da escritora contemporánea Rosalía Fernández Rial que musica a súa letra, de trasfondo existencial, a ritmo de vals. Precisamente foi ese trasfondo o que motivou que as cinco integrantes de A Banda da Loba o tomasen para bautizar o seu disco. As cinco mulleres compoñentes de A Banda da Loba son Xiana Lastra (voz), Andrea Porto (baixo eléctrico), Inés Mirás (guitarra acústica), Estela Rodríguez (violín) e Marcela Porto (batería e percusións).