VINILO BOYANKA KOSTOVA X

Os Boyanka Kostova cumpren unha década como referentes absolutos do trap en galego e celébrano co seu novo disco, titulado 'X'. Este sétimo traballo do dúo compostelán formado por Rizo (Chicho do Funk) e Cibrán afonda nunha electrónica moito máis contundente e raveira.
O álbum funciona como un manifesto dunha vida ao límite, pero sen esquecer o disfrute e a celebración. Ademais de letras cargadas de hedonismo e xustiza social, o traballo destaca pola súa produción orientada ao colapso da pista de baile, introducindo xéneros como o hard-bass e o techno máis frontal.