SECHO RECUPERAR

Editado no 2021, trátase do segundo traballo discográfico de Secho (Sergio Castiñeiras) tras Xa hai un tempo. Trátase sobre todo dun disco intimista, cheo de boas sensacións e armonías que por veces trasládanche aos mellores momentos do rock sureño dos anos 70. O tema que arranca o disco "As cousas pequenas" coa moi agradecida colaboración de García MC ( Dios Ke Te Crew) é sinxelamente unha delicia de tema, de armonías e dun guiño ao hip hop e rap. Colaboracións tamén de Guadi Galego, Ramón Figueira, Sabela Galván, entre outras. Producido polo propio Secho e Iago Pico, o deseño da portada vai firmada por David Cuence. Un disco que sendo modesto en público de masas, o compensa sobradamente cunha calidade excepcional para disfrutar da boa música feita en Galiza.